бар ма жанның сағынбауға амалы, 
сезім-толқын шарқ ұрады жағаны. 
алыстаған шақта ғана түсіндім, 
сен қасымда бар болғаның бағалы.

сағынасың, көздің жасы тамады - 
сағынышты бір басудың амалы. 
шыда, жаным, сәлден кейін күлімдеп, 
құшағыма қысып-қысып аламын.

сезіміңнің әсем әуен бал әні, 
мәңгілікке бар санамда қалады. 
маған десе мың өзгерсін барша әлем, 
сен қасымда бар болғаның бағалы.

Daure6 (c)